जर नमतं घेतलं असतं

झालं गेलं विसरता आलं असतं
एकमेकांना समजून घेऊन
गैरसमजाला दूर सारता आलं असतं
कोमेजलेल्या रोपट्याला पुन्हा
फुलवता आलं असतं
थोडं मी अन्  थोडं तु ही जर
नमत घेतलं असतं
रागाला थोडं दूर ठेवून जर
प्रेमाने प्रेमालाच आठवलं असतं
तुझ्या माझ्यातलं अंतर नक्कीच  
मिटलं असतं
थोडं मी तर थोडं तू हि मला
सावरलं, सांभाळलं असतं
नक्कीच आपल्या प्रीतीचं फुल
पाकळी न् पाकळी उमललं असतं
                                           ✍️
                   🌿 कल्पना(Only Idea) शब्दवेडी🌿
                                          🕊️

तुझ्या भेटीची ओढ | फक्त कल्पना | शब्दवेडी

                     तुझ्या भेटीची ओढ

                 सवय ही फार वाईट असते

                 जवळ असलेलं माणूस दूर 

                 गेल्यावर खूप खूप रडवते

                 वेदना ह्या आठवणीतल्या

                 यातना ह्मा विरहातल्या

                 काळजात सलते 

                 दिवसरात्र मग लोचनातून

                 केवळ अश्रुंचाच पूर  वाहते

🌺🎋🌺🎋🌺🎋🌺🎋🌺🎋🌺🎋🌺🎋🌺

                  कितीही बाहेर काढलं तरी

                  मन हे भूतकाळातच जावून 

                  शिरते

                  भविष्य कितीही सुखमय असलं

                  तरीही ते नकोसच वाटते

                  खरं सांगू का तुला तुझ्याशिवाय     

                  आता मला मीही नकोशी वाटते

                  तुझ्या मिलनाची ती ओढ मला 

                  कायम अस्वस्थ करते

🥀🌿🥀🌿🥀🌿🥀🌿🥀🌿🥀🌿🥀🌿🥀

                                                         ✍️

                                     🌿कल्पना(Only Idea)🌿

                                                      🌺

मी अशी | फक्त कल्पना | शब्दवेडी

  

मी आहे अशी 

खळणारी नदी जशी

चमचमणारी विज जशी

मनसोक्त वाहणारा वारा जसा

स्वच्छंदी आकाशी मुक्त उडणारा पक्षी जसा

झुळझुळ वाहणारा पाण्याचा झरा

एखादा

अलवार भावनांचा पसारा सारा

वास्तविकतेची जाण ठेवून सत्यात 

उतरणाऱ्या स्वप्नांचा गाव माझा

मला वेध नाविण्याचे नकोत

विचार संकुचित आणि बुरसटलेले

माझ्या छायेत येणाऱ्याला

ओलावा केवळ प्रेमाचा

नाही जाणवणार त्याला इथे

भेदभाव कशाचाच

नकोत मला बंधने ती खोटी आणि

बळजबरीची

मी आहे राणी फक्त माझ्याच

मनाची

असेल मी कितीही बेफिकीर

जगणारी

मात्र खोटेपणा फसवेगिरी आणि

चापलूसी

मला ना अजिबात खपणारी

माझ्याच धुंदीत मी मदमस्त असते

दिवसभर काम आणि रात्रीला

माझ्या डायरी पेनातच वसलेले

माझे  छोटेशे एक गाव असते

नावाचा मला माझ्या अभिमान

वाटतो

त्याला सार्थकी बनवण्याचा प्रयत्न कायम असतो

नावाप्रमाणेच कल्पना पण मी

वास्तवात आहे

मात्र कुणी कुणी मला स्वप्नातच

पाहणे पसंत करतो

आहे मी अशी राहणारही

अशीच

माझ्यावर चालते फक्त मर्जी माझीच

नाही बदलली नाही बदलणारही मी

कधीही, कुठेही, कुणाही साठी

बाप्पांवर 🙏माझी श्रद्धा अपार

त्यांचीही कृपा असते माझ्यावर

फार

प्रत्येक वेळी संकटातूनी मला टाळती

कुकर्म आणि कुबुद्धी पासूनी

कायम दूर ठेवती

                 ✍️

🌿कल्पना(Only Idea) शब्दवेडी🌿

      🕊️